Social

बौद्ध परम्परामा अष्टाङ्गिक मार्ग अन्तर्गत 'सम्यक प्रयास' को अर्थ प्रष्ट पार्नुहोस् ।

पूर्वीय र पाश्चात्य परम्परा बिचको समान विशेषता एक बुँदामा स्पष्ट पार्नुहोस् ।

सामाजिक अनुसन्धान प्रतिवेदन तयार पार्दा सन्दर्भ सामग्रीको प्रयोगमा ध्यान दिनुपर्ने कुरा एक बुँदामा लेख्नुहोस् ।

सूचना तथा तथ्याङ्कलाई अनुसन्धानको महत्त्वपूर्ण आधार मानिन्छ, किन? एक बुँदामा प्रष्ट पार्नुहोस् ।

नेपाल मण्डलको अन्तिम राजाको नाम उल्लेख गर्नुहोस् ।

तपाईंको समुदायमा भएको सामाजिक रूपान्तरणलाई कसरी अभ्यास गर्नुभएको छ? आफ्नो अनुभव एक बुँदामा लेख्नुहोस् ।

किशोरकिशोरीमा मोबाईल फोनको प्रयोगबाट पर्ने नकारात्मक असर न्यूनीकरण गर्न एउटा नारा तयार पार्नुहोस् ।

नेपालको आन्तरिक बसाइँसराइमा पुरुषको भन्दा महिलाको सङ्ख्या बढी हुनुको कारण के हो? एक बुँदामा उल्लेख गर्नुहोस् ।

नेपालको परराष्ट्र नीतिका कुनै दुई विशेषता लेख्नुहोस् ।

वैश्विक सङ्घ संस्थाबाट लाभ लिन नेपाल सरकारले गरेका गतिविधिको सम्बन्धमा जानकारी लिन परराष्ट्र मन्त्रीलाई सोध्न सकिने दुईवटा प्रश्नको नमुना तयार पार्नुहोस् ।

बेरोजगारी समस्या समाधानमा प्राविधिक शिक्षाको महत्त्व एक बुँदामा लेख्नुहोस् ।

बौद्धिक चोरी न्यूनीकरणका लागि भएका कानुनी प्रयासलाई व्यावहारिक बनाउन तपाईंले खेल्न सक्ने भूमिका पाँच बुँदामा स्पष्ट पार्नुहोस् ।

अथवा

कम्प्युटर सफ्टवेयर प्रयोग गरी अनुसन्धानबाट प्राप्त तथ्याङ्कलाई प्रभावकारी बनाउन के कस्ता विषयमा ध्यान पुर्‍याउनु पर्छ? पाँच बुँदामा स्पष्ट पार्नुहोस् ।

जीवन दर्शनको अर्थ उल्लेख गरी यसका कुनै चारवटा विशेषताहरू लेख्नुहोस् ।

तपाईंको प्रदेशमा अवस्थित धार्मिक तथा ऐतिहासिक स्थललाई स्वच्छ र सफा राख्न आग्रह गर्दै सार्वजनिक सूचनाको नमुना तयार पार्नुहोस् ।

नेपालको राणाकालीन राजनीतिक अवस्था प्रजातान्त्रिक मूल्य मान्यता विपरीत भएता पनि देशको शैक्षिक, कानुनी र सामाजिक क्षेत्रमा सकारात्मक सुधारको थालनी भएको थियो । यसप्रति तपाईंको धारणा पाँच बुँदामा लेख्नुहोस् ।

सामाजिक विविधताको सम्मानले सामाजिक सद्भाव, सहिष्णुता प्रवर्द्धन गर्छ । उदाहरणसहित पाँच बुँदामा प्रष्ट पार्नुहोस् ।

प्रजातान्त्रिक शासन प्रणालीमा सूचनाको हकको महत्त्व पाँच बुँदामा स्पष्ट पार्नुहोस् ।

'अव्यवस्थित सहरीकरणको नकारात्मक प्रभाव हुँदा हुँदै पनि सहरीकरण अपरिहार्य बनेको छ' । यो भनाइलाई पाँच बुँदामा पुष्टि गर्नुहोस् ।

शिक्षाको विकासमा समुदायको भूमिका पाँच बुँदामा लेख्नुहोस् ।

 अथवा

 शिक्षाले मानव संसाधनको विकासमा कसरी सघाउँछ? पाँच बुँदामा स्पष्ट पार्नुहोस् ।

सिर्जनात्मक चिन्तनले व्यक्तिको क्षमता विकास तथा समाज रूपान्तरणमा महत्त्वपूर्ण भूमिका खेल्न सक्छ, कसरी? आफ्नो अनुभव तथा समाजमा भएका अभ्यासको आधारमा पुष्टि गर्नुहोस् ।

तपाईं बसोबास गर्ने प्रदेशको भौगोलिक संरचनाले त्यहाँको आर्थिक गतिविधिमा पारेको प्रभाव र चुनौतीहरू उल्लेख गर्नुहोस् ।

अथवा

 विपत् व्यवस्थापनको अवधारणा तथा यसका लागि राज्यबाट गरिएका प्रयासहरू उदाहरणसहित छ बुँदामा प्रष्ट पार्नुहोस् ।

'दिगो विकास लक्ष्य (SDGs) र गरिबी निवारण बिचको सम्बन्ध' शीर्षकमा एक लेखको नमुना उल्लेख गर्नुहोस् ।