Social

सामाजिक अध्ययनको एक प्रमुख उद्देश्य उल्लेख गर्नुहोस् ।

पाश्चात्य चिन्तनमा 'पुनर्जागरण युग' लाई 'प्रबोध युग' वा 'ज्ञानोद्दीपन युग' भनिन्छ, किन? एक वाक्यमा लेख्नुहोस् ।

तपाईंले सामाजिक अनुसन्धानबाट प्राप्त गरेको तथ्याङ्कलाई चित्रात्मक प्रस्तुतिमा किन सहज मान्नुहुन्छ? आफ्नो अनुभव एक वाक्यमा लेख्नुहोस् ।

तपाईं अध्ययन प्रस्तावना संरचनाको कुन पक्षलाई सबैभन्दा महत्त्वपूर्ण ठान्नुहुन्छ? आफ्नो तर्क कारणसहित एक वाक्यमा उल्लेख गर्नुहोस् ।

'दिव्योपदेश' को अर्थ एक वाक्यमा लेख्नुहोस् ।

तपाईं आफ्नो विद्यालय वा समुदायमा रहेका अपाङ्ग व्यक्तिको सहज जीवनयापनका लागि कसरी सहयोग गर्नुहुन्छ? आफ्नो भूमिका एक वाक्यमा उल्लेख गर्नुहोस् ।

तपाईंको सार्वजनिक महत्त्वको विषय सम्बन्धी सूचनाको हक हनन भयो भने, उक्त विषयमा सूचनाको हक पाउने अधिकारलाई कसरी उपयोग गर्नुहुन्छ? एउटा प्रक्रिया उल्लेख गर्नुहोस् ।

स्वेच्छिक बसाइँसराइको अर्थ एक वाक्यमा उल्लेख गर्नुहोस् ।

दिगो विकास लक्ष्यको एक प्रमुख विशेषता उल्लेख गर्नुहोस् ।

तपाईंको नातेदार वा चिनजानको कोही व्यक्ति रोजगारीका लागि विदेश जाँदै हुनुहुन्छ, उहाँले सुरक्षित आप्रवासनका लागि के गर्नुपर्ला? आफ्नो सुझाव एक वाक्यमा उल्लेख गर्नुहोस् ।

शिक्षाले सामाजिक परिवर्तनमा पार्ने प्रभाव एक वाक्यमा उल्लेख गर्नुहोस् ।

'बौद्धिक चोरी न्यूनीकरणका लागि भएका प्रयासहरू' शीर्षकमा एक सम्पादकीयको नमुना तयार पार्नुहोस् ।

अथवा

 'सामाजिक अध्ययन-अनुसन्धानमा तथ्याङ्क तथा सूचनाको औचित्य' शीर्षकमा एक सम्पादकीयको नमुना तयार पार्नुहोस् ।

असल व्यक्तित्व विकासमा दर्शनको महत्त्व पाँच बुँदामा प्रष्ट पार्नुहोस् ।

तपाईंको दैनिक जीवनलाई भू-सूचना प्रणालीको प्रयोगले कसरी सहज बनाएको छ? तपाईंले प्रयोग गरेको एक भू-सूचना प्रणालीको उपयोगको आधारमा आफ्नो अनुभव चार बुँदामा प्रष्ट पार्नुहोस् ।

'नेपाल-अङ्ग्रेज युद्ध (वि.सं. १८७१-१८७३) नेपालको तत्कालीन राजनीतिक परिस्थितिको उपज हो ।' समीक्षा गर्नुहोस् ।

नेपाली समाजमा वर्ग विभाजनका पाँच प्रभावहरू उल्लेख गर्नुहोस् ।

नेपालको संविधान बमोजिम संघ, प्रदेश तथा स्थानीय तहका दश साझा अधिकारको सूची तयार पार्नुहोस् ।

नेपालका नगरपालिका घोषणाका आधारलाई शहरीकरणको मापदण्ड मानिएको सन्दर्भमा व्यवस्थित शहरीकरणको अवधारणा विकास गर्न के गर्नुपर्ला? आफ्ना सुझावहरू पाँच बुँदामा उल्लेख गर्नुहोस् ।

शिक्षामा पहुँच र समावेशीताले नेपाली समाजमा परेको सकारात्मक प्रभाव पाँच बुँदामा स्पष्ट पार्नुहोस् ।

 अथवा

शिक्षा र मानव संसाधन एक अर्काका परिपूरक हुन् । उदाहरणसहित प्रष्ट पार्नुहोस् ।

समालोचनात्मक चिन्तन बौद्धिक जीवनोपयोगी सीप मानिन्छ । नेपाली समाजमा समालोचनात्मक चिन्तनको अभ्यास समीक्षा गर्दै यो जीवनोपयोगी सीपलाई अझ 'बौद्धिक सीप' बनाउन के गर्नुपर्ला? आफ्ना विचार प्रस्तुत गर्नुहोस् ।

नेपालमा प्रादेशिक अन्तरसम्बन्धले प्रदेशहरूको आर्थिक र सामाजिक परिवर्तनमा पार्ने चार/चार सकारात्मक प्रभावहरू उदाहरणसहित प्रष्ट पार्नुहोस् । 

 अथवा

तपाईं बसोबास गर्नुभएको प्रदेशको भौगोलिक अवस्थाले त्यहाँको आर्थिक गतिविधि र जनसांख्यिक वितरणमा पारेको प्रभाव वर्णन गर्नुहोस्

नेपालको अन्तर्राष्ट्रिय सम्बन्धलाई समयानुकुल बनाउँदै अधिकतम आर्थिक लाभ लिन के गर्नुपर्ला? आफ्नो विचार समेटी परराष्ट्र मन्त्रीलाई एक चिठ्ठी लेख्नुहोस् ।